Edicioni i gjashtë i ‘Rame Lahaj International Opera Festival’ (RLIOF) rikthehet këtë korrik, duke e shndërruar Prishtinën dhe mbarë Kosovën në qendra ku muzika, kujtesa dhe emocionet ndërthuren në një rrëfim të përbashkët artistik.

Këtë vit, festivali vjen me një program të pasur dhe të larmishëm që përfshin gjithçka – nga arti pamor dhe muzika urbane, te nostalgjia e grupeve legjendare dhe fuqia e artit operistik. Çdo performancë sjell një përvojë unike, duke komunikuar me publikun përmes ndjeshmërisë dhe intensitetit që e karakterizon këtë festival.

Organizatorët ftojnë publikun që gjatë muajit korrik t’i bashkohet këtij rrugëtimi artistik, për të përjetuar nga afër interpretimet dhe për të njohur artistët që do ta bëjnë këtë edicion të paharrueshëm.

Programi i festivalit:

4 korrik – Koncerti i Bendit Minatori

4 korrik – Ekspozita e Fadil Berishës

5-6 korrik – Masterclass i fotografisë me Fadil Berishën

10 korrik – “Open Mic” Karaoke

14 korrik – Nexhmije Pagarusha – Prishtinë

16 korrik – Nexhmije Pagarusha – Ferizaj

18 korrik – Nexhmije Pagarusha – Istog

18-23 korrik – Masterclass me Jean Bernard Thomas

20 korrik – Young Classics

22 korrik – Ensemble Evening

24 korrik – New Generation

26 korrik – Opera Night

28 korrik – Konferenca për shtyp e RLIOF

29 korrik – Gala Night “Rame Lahaj & Friends”