Zyra e Kryeprokurorit Publik të Stambollit ka ndarë detaje të reja lidhur me udhëzimet zyrtare të dhëna agjencive të zbatimit të ligjit në kuadër të hetimeve për drogë dhe prostitucion.

Sipas dokumenteve zyrtare, në bazë të cilave raporton “Gazeta N”, 22 individë u kapën dhe u morën në paraburgim gjatë operacioneve të njëkohshme, ndërsa forcat e sigurisë po vazhdojnë pa pushim përpjekjet e tyre teknike dhe fizike për të kapur 5 individët e përmendur në dosje, të cilët ende nuk janë gjetur, transmeton Klankosova.tv.

Në mesin e të arrestuarve, është edhe aktorja e njohur për rolin e Fatmagylit, Beren Saat.

Ndërkohë, gjatë kontrolleve të kryera nga ekipet e luftës kundër narkotikëve në banesat e të dyshuarve dhe adresat e tjera që ata kishin dhënë, u sekuestruan lëndë narkotike dhe materiale të përdorura në trafikimin e tyre.