Presidenti i Shteteve të Bashkuara, Donald Trump, ka deklaruar se administrata e tij ka vendosur të pezullojë përkohësisht sulmet ndaj Iranit për t’u dhënë negociatorëve një mundësi tjetër për të arritur një zgjidhje diplomatike.

Në një intervistë për Axios, Trump theksoi se SHBA-ja mbetet e hapur ndaj dialogut, por paralajmëroi se opsioni ushtarak vazhdon të jetë në tavolinë.

“Po ndalojmë sulmet ndaj Iranit për t’i dhënë një shans diplomacisë. Megjithatë, nëse negociatat dështojnë, jemi gati për veprime të forta ushtarake”, u shpreh presidenti amerikan.

Mesazhi i Trump lë të kuptohet se administrata amerikane synon t’i japë përparësi diplomacisë, por nuk përjashton ndërhyrjen ushtarake nëse bisedimet me Iranin nuk japin rezultatet e pritura./Tch