Një peshkatar 27-vjeçar është sulmuar nga një peshkaqen në ujërat pranë County Waterford, në juglindje të Irlandës.

Sebastian Achim ishte pjesë e një ekipi prej pesë personash, rreth katër milje larg Ram Head, pranë Ardmore, kur peshkaqeni, pasi ishte nxjerrë në kuvertën e anijes, iu hodh dhe e kafshoi në pulpë.

“Prita se nuk do të shpëtoja”, rrëfeu Achim, duke treguar se kafshimi i shkaktoi një plagë të thellë deri në kockë dhe gjakderdhje të menjëhershme, shkruan Metro.

Sipas autoriteteve, bëhej fjalë për një peshkaqen blu, një specie që shfaqet shpesh në ujërat e Irlandës dhe Britanisë gjatë verës dhe vjeshtës. Kjo specie zakonisht nuk konsiderohet e rrezikshme për notarët.

Pas incidentit, peshkatari mori ndihmën e parë në bord dhe u evakuua me helikopter të Rojës Bregdetare të Irlandës drejt Spitalit Universitar të Cork-ut.

Achim tha se ndërhyrja e ekipit të shpëtimit ishte vendimtare për mbijetesën e tij.