Golden Eagle Ylli ka triumfuar në derbin e javës së nëntë në Superligën e Kosovës në basketboll duke e mposhtur si mysafir Prishtinën me rezultat 68:86.

Ndeshja u karakterizua me rivalitet të fortë nga të dyja skuadrat por që në pjesën e dytë kampioni u rikthye duke arritur kështu fitoren e pestë radhazi.

Ajo që mori vëmendjen e publikut ishin edhe fanellat e futbollistëve të Yllit para nisjes së ndeshjes.

Si duket tensionet në pjesën Veriore të Kosovës, kanë bërë që basketbollistët të tregojnë patriotizëm edhe në një ndeshje basketbolli.

E gjithë skuadra e Yllit kishin vendosur të vishnin fanellat me mbishkrimin “Mitrovica zemra e Shqipërisë” duke japur kështu një mesazh të qartë për të gjithë shikuesit e sportit të basketbollit./Gazeta10/