Senatorja amerikane Jeanne Shaheen i ka shprehur mbështetje presidentes së Kosovës, Justina Shiroka-Pula, duke e cilësuar forcë stabilizuese për vendin.

Në një letër drejtuar presidentes, Shaheen ka ritheksuar përkushtimin e saj për marrëdhëniet ndërmjet Shteteve të Bashkuara të Amerikës dhe Kosovës, si dhe për të ardhmen euroatlantike të vendit.

Senatorja amerikane, anëtare e Komitetit për Marrëdhënie me Jashtë të Senatit amerikan, ka falënderuar Shiroka-Pulën për mikpritjen gjatë vizitës së saj në Kosovë dhe për nderimin që i është bërë.

Duke iu referuar zhvillimeve politike, Shaheen ka shprehur shpresën se presidentja dhe Qeveria e re do ta drejtojnë Kosovën drejt një periudhe me më shumë prosperitet dhe siguri.

“Si përkrahëse e fuqishme e marrëdhënieve të SHBA-së me Kosovën dhe popullin e saj, si dhe e së ardhmes euroatlantike të Kosovës, unë do të vazhdoj të jap kontributin tim në mbështetje të Kosovës. Mbetet ende shumë punë për t’u bërë, por jam e bindur se ju do të jeni një forcë stabilizuese për Kosovën”, thuhet në letrën e senatores Shaheen.

Në fund të letrës, senatorja ka falënderuar presidenten për partneritetin dhe mikpritjen, duke shprehur gatishmërinë për të vazhduar mbështetjen ndaj Kosovës edhe në të ardhmen.