Deputetja e PDK-së, Eliza Hoxha, në emisionin Prime Time, ka komentuar gjuhën e folur nga ministri i Financave Hekuran Murati në Kuvend, ku iu drejtua opozitës duke thënë “Kur rreni, rreni ma me stil”, raporton Gazeta10.

Hoxha e ka vlerësuar gjuhën e tij të përdorur në Kuvendin e Kosovës si qesharake.

“Nuk e di a është mënyrë e komunikimit të tij të përgjithshëm apo është impulsive për nga natyra, nuk dua as ta arsyetoj e as ta gjykoj, por nga një grup parlamentar mazhoritar me aq shumë numra dhe nga një Qeveri që nuk ka pasur asnjëherë besim më të madh nga populli të ketë këso lloj gjuhe në Kuvend, për mua është qesharake.”, tha Hoxha./Gazeta10.