Raportuesja për Kosovën në Parlamentin Evropian, Viola Von Cramon e ka quajtur të papranueshme, kërkesën e Serbisë për vendosjen e ushtarëve serb në veri të Kosovës, raporton Gazeta10.

Përmes një postimi në Twitter, Von Cramon ka thënë se pret edhe që barrikadat të largohen.

“Rivendosja e paqes dhe stabilitetit në veri të Kosovës duhet të jetë prioritet. Sulmet ndaj EULEX dhe njoftimi për ushtarët serbë, janë krejtësisht të papranueshme. Unë pres që barrikadat e serbëve të Kosovës të largohen si ulje e përshkallëzimit. Mbështetje e plotë për dialogun e udhëhequr nga BE.” – ka thënë ajo./Gazeta10