Presidenti i Serbisë, Aleksandar Vuçiq, ka reaguar lidhur me aplikimin e Kosovës për anëtarësim në Bashkimin Europian, duke thënë se po e pyet Perëndimin se cilin dokument të arritur ndër vite duhet të respektohet, raporton Gazeta10.

Kështu, Vuçiq, ka përmendur Marrëveshjen e Kumanovës, Kartën e OKB-së, Rezolutën  1244, Marrëveshjen e Brukselit, dhe Marrëveshjen e Uashingtonit.

“Marrëveshja e Kumanovës, Karta e OKB-së, Rezoluta 1244, Marrëveshja e Brukselit apo Marrëveshja e Uashingtonit. Kemi arritur dokumentin e gjashtë, shumë të rëndësishëm të BE-së nga viti 2003, dokumentin e famshëm të Selanikut, për zgjerimin e BE-së në Ballkanin Perëndimor”, shkruan KosovOnline, transmeton Gazeta10.

Më tej ai ka pyetur Perëndimin se cilën marrëveshje duhet ta respektojë Serbia.

“Dhe në dritën e paraqitjes së aplikimit për anëtarësim në BE të të ashtuquajturës Kosovë, pyetja ime është nëse do të respektojnë dokumentet që kanë sjellë vetë, qoftë edhe atë historik nga Selaniku, sepse në pikën 5 të dokumentit të Selanikut thuhet. se ajo mbështet plotësisht zbatimin e Rezolutës 1244. Pra, pyetja ime sot është se cilin nga këto gjashtë dokumente dëshironi të respektoni dhe ne do të pajtohemi absolutisht”, tha Vuçiq. / Gazeta10