Policia është duke e hetuar një rast ku një vajzë 15 vjeçare u lëndua në ndeshjen e Carabao Cup mes Manchester Cityt dhe Liverpoolit.

Vajza në fjalë më pas ka marrë tretmanin nga stafi mjekësorë për shkak të lëndimeve në kokë në stadiumin “Etihad”.

Policia e Manchesterit tha se ishte gjithashtu duke zhvilluar hetime për një sulm në kryqëzimin e Ashton New Road dhe Alan Turing Way.

Po ashtu, një burrë ishte arrestuar për një fyerje racore.

Dy burra të tjerë u arrestuan me dyshimin se po përpiqeshin të fusnin një mjet piroteknik në fushë.Manchester City e fitoi ndeshjen me rezultat të ngushtë 3:2, kështu duke eliminuar nga gara kampionin aktual të Carabao Cup.