Presidentja e Kosovës, Vjosa Osmani, ka uruar qytetarët e besimit të krishterë për festën e Krishtlindjeve, raporton Gazeta10.

Osmani ka thënë se kjo festë sjell mesazhin e paqes, dashurisë, respektit dhe tolerancës.

Më tej, ajo ka thënë se duhet të jemi solidarë, të reflektojmë harmoni si dhe të festojmë së bashku.

Këtu keni postimin e plotë:

“Kremta e Krishtlindjes sjell mesazhin e paqes, dashurisë, respektit, mirëkuptimit dhe tolerancës.

Uroj të gjithë besimtarët e krishterë që në këtë ditë ta rrisin shpresën e t’i hapin zemrat. Në shtëpinë e secilit të mbizotërojë shëndeti, lumturia e paqja!

Të jemi solidarë, të reflektojmë harmoni e të festojmë bashkë!

Për shumë mote, Gëzuar!”, ka shkruar Osmani në llogarinë e saj në Facebook. / Gazeta10