Kryetari i Partisë Demokratike të Kosovës, Memli Krasniqi, ka njoftuar se në zgjedhjet e Rinisë Demokratike të Kosovës në Istog, kryetar i ri është zgjedhur Andi Xhuraj, raporton Gazeta10.

Ai ka thënë se me zgjedhjen e tij kanë përfunduar edhe aktivitetet e sotme të partisë që ai udhëheq.

Më tej, ai ka thënë se të rinjt atje do të përkushtohen që të punojnë për Istogun.

“Ju priftë e mbara”, ka thënë Krasniqi ndër të tjera.

Këtu keni postimin e plotë:

“Aktivitetet e sotme me Rininë Demokratike të Kosovës i përfunduam në një ambient të ngrohtë në mesin e të rinjve të Istogut, të cilët zgjodhën për kryetar Andi Xhurajn.

Të mbledhur rreth platformës së PDK-së për Rininë, Andi Xhuraj me të rinjtë e Istogut do të përkushtohen dhe do të punojnë për lagjen, komunitetin dhe qytetin e tyre.

Ju priftë e mbara!

#TiKiZa”, ka shkruar Krasniqi në llogarinë e tij në Facebook. / Gazeta10