Aventura e sulmueses me origjinë shqiptare te Milan ka nisur në mënyrën më të mirë të mundshme.

33-vjeçarja realizoi dy gola në turneun që skuadra e Milan-it për femra po zhvillon në SHBA, në Woman’s Cup, me skuadrën italiane që triumfoi 3-1 kundër Tokyo Verdy Beleza.

Të gjithë vëmendjen e mori Kosovare Asllani, autore e dy golave në këtë përballje, ndërsa shënoi edhe Martina Piemonte.

Ish-sulmuesja e Real Madrid e nisi sfidën nga stoli dhe pas pjesë së parë që u mbyll 1-0, Asllani realizoi dy herë në harkun e 23 minutave, 51′ dhe 85′.

Kosovare Asllani nis kështu aventurën te Milan dhe pritet që gjatë sezonit të marrë të gjithë vëmendjen te skuadra që drejtohet nga Maurizio Ganz.