Sipas “The Telegraph”, projekti i shumëpërfolur këto vitet e fundit, Superliga e Evropës po rikthehet përsëri.

Mbështetësit e këtij projekti kanë zbuluar sot se duan të lançojnë një version të ri të projektit paraprak, që u ‘rrëzua’ dy vite më parë: një kompeticion me shumë divizione, me 60 deri në 80 ekipe pa anëtarë të përhershëm dhe një minimum prej 14 ndeshje për klub në një sezon, përcjell Gazeta10.

Nuk ka ende detaje se si do të formoheshin skuadrat fillestare prej 60 deri në 80 ose si do të largoheshin nga gara e propozuar për t’i hapur rrugë klubeve të reja.

Formati i Superligës së re të propozuar është mbajtur sekret nga Real Madrid, Barcelona dhe Juventus, por tashmë duket se do të përparojë.