Këshilltari i lartë i Departamentit amerikan të Shtetit, Derek Chollet, pas bisedës me kryeministrin Albin Kurti, u shpreh se ShBA-të mbështesin takim që afirmon përkushtimin e Kosovës dhe Serbisë ndaj propozimit të Bashkimit Evropian.

“SHBA-të mbështesin një takim konstruktiv që afirmon përkushtimin e të dyja palëve ndaj propozimit të BE-së”, ka shkruar Chollet në Twitter.

Ndërsa, kryeministri Albin Kurti, mbrëmë ka potencuar se Chollet-it i ka konfirmuar qëndrimin e tij për propozimin evropian, si bazë të mirë për bisedimet e mëtutjeshme drejt normalizimit të marrëdhënieve.

“Chollet u njoftua nga kryeministri që sot në Kosovë, bashkë me 12 gazetarët ukrainas, kemi shënuar njëvjetorin e agresionit duke përkujtuar viktimat por edhe luftën e drejtë çlirimtare të popullit ukrainas”, është bërë e ditur në komunikatë.

Ndryshe, të hënën në Bruksel do të zhvillohet takimi i kryeministrit Albin Kurti me presidentin serb, Aleksandar Vuçiq.

I shared that now is the time to discuss the Association of Serb-majority Municipalities. Both Kosovo and Serbia should implement the agreements they have already signed on to through the Dialogue process, including making progress towards establishing the ASM.

— Derek Chollet (@CounselorDOS) February 25, 2023