Deputeti i VV-së, Armend Muja ka cituar disa nga rreshtat e deklratës së përfaqësuesit të lartë të BE-së, Josep Borrell pas takimit të Kurtit me Vuçiq.

Muja përmes një postimi në Facebook ka thënë se askund nuk është përmendur Asociacioni, dhe sipas tij është epoka ku Qeveria e Kosovës nuk lejon më të bisedojë për territorializimin e struktura mono-etnike.

Në fund Muja ka falënderuar Kurtin për përfaqësimin “dinjitoz” në Bruksel.

“E dëgjova me kujdes fjalimin e Përfaqësuesit të Lartë Borrell; i përmendi njohjen e pasaportave, vendosjen e marrëdhënieve në një nivel të ri ndërmjet Kosovës dhe Serbisë, dhe për herë të parë kaloi nga Dialogu Prishtinë-Beograd në Dialog Kosovë-Serbi. Harrova edhe një gjë: askund nuk përmendi Asociacion?! Ndoshta kemi hyrë në epokën ku Qeveria e Republikës nuk lejon më të bisedojë për territorializim e struktura mono-etnike?! Faleminderit Kryeministër për përfaqësimin dinjitoz në Bruksel.” – ka shkruar Muja.