Votimi unanim edhe i pesë shteteve mosnjohëse të pavarësisë së Kosovës duke i dhënë “dritën jeshile” lëvizjes së lirë për kosovarët, ishte befasi edhe për komentatoren politike, Fatime Hajdari.

Ajo në Politiko tha se një vendim i tillë, sjell edhe sinjale pozitive edhe për hapet e mëtejmë në fushën e integrimeve në BE, shkruan Gazeta10.

Ndërsa për hapjen e “shampanjave”, Hajdari shtoi se ato janë hapur për vite me radh, por që tani meritor është edhe pushteti aktual.

“Por, megjithatë kjo lëvizje, është në drejtimin e duhur dhe na jep sinjale pozitive dhe na inkuarojnë për më shumë. Shampanjat janë hapur ka vite, por sic shihet epilogu, gjithcka po merr fund tani. Shampanjat janë hapur në kohë të ndryshme, por kurorëzimi po vjen në  një kohë që ne nuk mund të themi ndryshe. Kjo jo edhe pa meritën e pushtetit aktual.”, tha tutje Hajdari në Politiko. /Gazeta10