Mbrojtësi i Kombëtares së Kosovës, Mërgim Vojvoda është përfshirë në një aksident me veturën e tij në Torino.

Futbollisti i Torinos është përfshirë në një aksident mëngjesin e sotëm në Corso Galileo Ferraris në Piemonte.

Vojvoda ishte në Mercedesin e tij ngjyrë gri i cili u përplas me një Jeep Renegade të kuq.

Policia bashkiake ka ndërhyrë në vendngjarje. Makina e lojtarit të Kosovës ka pësuar dëmtime të rënda, ndërsa Vojvoda është mbrojtur me airbag.

Ai nuk ka pësuar dëmtime dhe ka mbërritur në fushën sportive të Torinos për t’u stërvitur.