Ambasadori i Shteteve të Bashkuara të Amerikës në Kosovës, Jeff Hovenier, ka folur sot rreth zhvillimeve të fundit në veri, ku ka mirëpritur vendimin e Qeverisë së Kosovës, raporton Gazeta10.

Hovenier ka thënë se masat e reciprocitetit për targa dhe dokumente janë në përputhje me marrëveshjet e Brukselit.

Tutje, Hovenier, ka thënë se për zbatimin e këtyre masave ka pasur koordinim ndërkombëtar.

Këtu keni statusin e plotë:

“SHBA mirëpret vendimin e liderëve të Kosovës për ta pezulluar përkohësisht zbatimin e masave të reciprocitetit për targat dhe dokumentet për hyrje/dalje, të dyja masat janë plotësisht në përputhje me marrëveshjet e Brukselit dhe ishin të koordinuara me komunitetin ndërkombëtar”, ka shkruar ambasadori amerikan në llogarinë e tij në Twitter.

Kujtojmë se Kosova është përballur me tensione të mëdha në veriun e vendit ku serbët lokal atje kishin bllokuar rrugët në shenjë kundërshtimi për vendosjen e reciprocitetit të Kosovës ndaj Serbisë në targa dhe letërnjoftima.

Situata shkoi drejtë qetësimit pasi Qeveria e Kosovës pranoi propozimin e SHBA-së për pezullim një-mujor të vendimit për zbatimin e reciprocitetit. / Gazeta10