Një ngjarje e rëndë ka ndodhur të shtunën mbrëma ku tre persona humbën jetën në autostradën “Ibrahim Rugova”, në Prizren, ndërsa tre të tjerë pësuan lëndime.

Pas aksidentit, Policia e Kosovës janë arrestuar dy persona.

Kryeprokurori i Prizrenit, Admir Shala, ka deklaruar se të dyshuarit janë nën hetim për veprën penale “Rrezikimi i trafikut publik”, raporton Telegrafi.

“Në lidhje me aksidentin tragjik të mbrëmshëm që shkaktoi humbjen e jetës së tre të rinjve, mund të konfirmojmë arrestimin e dy personave. Ata akuzohen për veprën penale të rrezikimit të trafikut publik, sipas neneve të Kodit Penal,” deklaroi Shala.