Disa persona janë konfrontuar sot me pjesëtarë të Policisë së Kosovës në pikën e kalimit kufitar në Merdarë.

Nga Policia e Kosovës për Gazeta10 kanë dhënë detaje për rastin.

Si pasojë e përleshjes janë lënduar dy policë, ka thënë për Gazeta10 zëdhënësja e policisë, Flora Ahmeti.

Ajo ka thënë patrulla e policisë është sulmuar nga persona të dyshuar. Tre persona janë ndaluar në këtë rast.

“Sot rreth orës 10:00, në Merdarë ka ndodhë një incident, ku patrulla e policisë është sulmuar nga persona të dyshuar. Në këtë rast lëndime trupore kanë pësuar dy zyrtarë policor.

Pas vënies nën kontrollë të situatës dhe shoqërimit në stacion të tre personave të dyshuar, policia në koordinim me prokurorin e shtetit, kanë nisë një hetim për veprën Sulm ndaj personit zyrtar”, ka thënë Ahmeti.