Prokuroria Themelore në Ferizaj, Departamenti për Krime të Rënda, ka ndaluar dy persona të dyshuar për përfshirje në një rast të falsifikimit të dokumenteve.

Njëri nga të dyshuarit, është zyrtar i gjendjes civile në Komunën e Ferizajt, njoftoi Prokuroria.

“Me vendim të Prokurorit të Shtetit, ka ndaluar për 48 orë të dyshuarin R.O.,- person zyrtar, në zyrën e gjendjes civile në Komunën e Ferizajt, për shkak të dyshimit të bazuar se ka kryer veprën penale “Falsifikimi i dokumentit zyrtar” nga nenu 427 të Kodit Penal të Republikës së Kosovës (KPRK).

Po ashtu, lidhur me këtë rast është ndaluar edhe personi tjetër i dyshuar me iniciale F.V, në kohëzgjatje prej 48-orësh, i cili dyshohet se ka kryer veprën penale “Falsifikimi i dokumenteve” nga neni 390 të Kodit Penal të Republikës së Kosovës (KPRK).“

Ndaj zyrtarit të arrestuar, brenda afatit ligjor, Prokuroria do të paraqesë kërkesë për caktimin e masës së paraburgimit në Gjykatën kompetente.