Këtë javë zhvillohet xhiro e 34-të në elitën e futbollit anglez, e cila në përbërje ka disa ndeshje interesante.
Ndeshja kryesore e kësaj xhiro është derbi londinez mes Arsenal dhe Chelsea.
Sfida e cila luhet në “Emirates Stadium” luhet të martën e 2 majit, me Arsenalin dhe Chelsean që janë në kërkim të fitoreve pas formës jo të mirë që po kalojnë kohëve të fundit.
Ndeshje tjetër interesante do të zhvillohet edhe mes Liverpool e Tottenham, me dy klubet që po ‘luftojnë’ për një vend në Evropë.
Ky duel luhet të dielën me fillim nga ora 17:30 dhe zhvillohet në stadiumin e zhurmshëm, “Anfield Road”.
Ndërkohë, kampioni në fuqi I Anglisë, Manchester City këtë javë udhëton për në Londër te skuadra e Fulham.
Takim ky që parashihet të luhet të dielën me fillim nga ora 15:00.
Manchester United në këtë xhiro do të jetë nikoqir I ekipit anglez më në formë në vitin 2023, Aston Villas.
Ndeshja e cila luhet në “Old Trafford” do të luhet të dielën, po ashtu në ora 15:00.
Tabelës së klasifikimit në Premier League I prin skuadra e Arsenalit me 75 pikë, 2 më
shumë se Manchester City në vendin e dytë, I cili ka edhe dy ndeshje më pak.
Top katërshen në elitën e futbollit në Angli e përmbyllin skuadrat e Neëcastle United dhe Manchester United.