Banorët e Zllashit të Prishtinës, janë ankuar se persona të panjohur po prenë në mënyrë ilegale drunjtë në tokat e tyre.
Njëri nga vendasit që rrëfeu problemin e tij, tha se për këtë gjë është ankuar në polici, por sipas tij ata e neglizhuan rastin, shkruan Gazeta10.
‘’Na jem në hall me hajnat ilegal të pyjeve, çdo javë, çdo 10 ditë pa ardh me na u vjedh pyjet nuk jetë. Problemi është se nuk janë hajdutët e fshatit, por janë të panjohshëm. Janë të njohur për pylltar, Gjykata, Polici. Sot shkon në gjyq nesër e bën të njëjtin aksion. Unë ka ndodh jam shku dhe ia kam nxen drutë në oborr, ja kom konfiskuar drutë, e kom lajmëruar rastin në Polici, më ka thanë polici që s’kemi polic nuk kem ç’të bëjmë.”, ka thënë ai në “Mëngjesi me Arben Ahmetin”.
Tutje, banori ka shpjeguar se këtë problem e kanë 3-4 vite madje problem i njëjtë më herët kish qenë edhe me pyjet publike.
“Kam biseduar me ta, më janë betuar që s’do të vinë më po prapë kanë ardh. Dje i kam përcjellë me kanë hetuar dhe kanë ndërruar drejtim. Këto probleme i kemi që 3-4 vite. Sa kishte pyje të shteti s’kemi pas problem, tash që s’ka na u kanë lëshuar në prona private. Janë 3-4 persona dhe policia i njeh mirë.”, shpjegoi tutje ai për Kanal10.
Kanal10 do të kontaktojë të gjitha institucionet përgjegjëse dhe do të iu mbajë të informuar për rastin./Gazeta10