Deputeti i Vetëvendosjes, Agon Batusha në emisionin “Raport me Naim Sadikun” ka folur rreth çështjes së dinarit.

Ai ka thënë se pret që të arrihet së shpejti një marrëveshje sa i përket dinarit në mes të Kosovës dhe Serbisë.

Batusha gjithashtu ka folur edhe rreth zhvillimeve të fundit të cilat kanë ndodhur në kufijtë me Serbinë ku janë bllokuar qindra qytetarë serb.

“Serbia nuk është duke ardhur në Bruksel për të negociuar për shkak të komunitetit serb por ajo është duke ardhur në Bruksel për ta mbajtur peng Kosovën, dhe për të arritur qëllimet e veta për interesat e saj gjeopolitike”, tha ai.

Gjithashtu deputeti ka shtuar se mbajtja peng e zëvendës drejtorit të policisë i cili i përkët komunitetit serb është e paarsyeshme dhe se ai sonte do të duhej të ishte në ceremoni dhe jo të mbahej peng nga Serbia./Gazeta10