Zëvendëskryeministri i Kosovës, Besnik Bislimi ka thënë se implementimi i udhërrëfyesit për Marrëveshjen për energjinë është në çështje urgjente.

Sipas Bislimit, mospagesa nxit veprimtaritë kriminale në kosto të taksapaguesve dhe mjedisit.

“Implementimi i udhërrëfyesit për Marrëveshjen për energjinë është një çështje urgjente. Mospagesa nxit veprimtaritë kriminale në kosto të taksapaguesve dhe mjedisit. Kosova vazhdimisht ka luajtur një rol konstruktiv dhe ka zbatuar të gjitha detyrimet. Ne presim dhe kërkojmë të njëjtën gjë nga pala tjetër”, ka shkruar Bislimi.

Në qershor të vitit 2022, Kosova dhe Serbia ishin dakorduar për Udhërrëfyesin për zbatim të marrëveshjes për energjinë të vitit 2013, për çështjen e faturimit të rrymës në komunat veriore të Kosovës.

Implementation of the Energy Roadmap is a matter of urgency. Non-payment incentivizes criminal activity at the cost of taxpayers & the environment. 🇽🇰 has continuously played a constructive role & has implemented all obligations. We expect & demand the same from the other side.

— Besnik Bislimi (@BislimiBesnik) August 7, 2023