Bjellorusia i tha Kombeve të Bashkuara të premten se do të pranonte, pa parakushte, tranzitin e drithërave ukrainase përmes territorit të saj për eksport nga portet lituaneze, tha një zëdhënës i OKB-së, shkruan Reuters, transmeton Gazeta10.

Sekretari i Përgjithshëm i OKB-së Antonio Guterres u takua me zëvendësministrin e Jashtëm të Bjellorusisë Yury Ambrazevich në Nju Jork të premten, tha zëdhënësi i OKB-së Stephane Dujarric në një deklaratë pas takimit.

Ambrazevich gjithashtu “përsëriti kërkesat nga qeveria e tij për të qenë në gjendje të eksportojë produktet e veta të plehrave, të cilat aktualisht janë subjekt i sanksioneve,” tha Dujarric. / Gazeta10