Një burrë është arrestuar në Podujevë, i cili dyshohet se e rrahu gruan e tij në prezencë të punëtorëve të Qendrës për Punë Sociale.

Viktima ka pranuar tretman mjekësor, ndërkaq i dyshuari është dërguar në mbajtje.

“Është arrestuar i dyshuari kosovar nën dyshimin se në prezencë të punëtorëve të QPS-së, ka sulmuar fizikisht viktimën bashkëshorten e tij kosovare. Viktima ka pranuar tretman mjekësor, ndërsa i dyshuari me urdhër të prokurorit është dërguar në mbajtje”, thuhet në raportin e policisë.