Një sulm me raketa në një kolonë makinash në Ukrainën jugore vrau një numër civilësh të premten, disa orë përpara se presidenti Vladimir Putin të shpallte sundimin e Moskës mbi tokat që ka pushtuar gjatë pushtimit të tij, shkruan Reuters, transmeton Gazeta10.

Kolona po mblidhej në një park makinash pranë qytetit Zaporizhzhia për të transportuar njerëz dhe furnizime në territorin e kontrolluar nga Rusia në provincën jugore të Ukrainës Zaporizhzhia. Kryeqyteti rajonal ende kontrollohet nga Ukraina.

Një raketë kishte thyer një krater në tokë pranë dy linjave të automjeteve. Përplasja ka hedhur në ajër copa dheu dhe ka spërkatur automjetet me copëza. Veturave – kryesisht vetura dhe tre furgona, janë hedhur në erë xhamat. Reuters pa rreth një duzinë trupash, katër prej tyre në makina.

“Deri më tani, 23 të vdekur dhe 28 të plagosur. Të gjithë civilë,” shkroi në Telegram guvernatori rajonal i Zaporizhzhia, Oleksandr Starukh. / Gazeta10