Komentatori, Adrian Çollaku në emisionin “Politiko” ka komentuar rreth ‘shtigjeve të Kurtit, marrëveshje apo dorëzim’, duke thënë se Kurti nuk e ka përqendrimin tani tek njohjet e Kosovës por tek Asociacioni.

Collaku ka thënë se Kurti tani e ka fokusin kryesor se si ta përbijë Asociacionin që e ka kundërshtuar me vite, raporton Gazeta10.

“Mendoj që fokusin kryesor Kurti e ka tek Asociacioni, ai kërkon një marrëveshje që brenda e ka Asociacionin. Ai nuk është i gatshëm të nisë draftin e statutit të Asociacionit, pra nuk e ka fokusin tek njohja tek pesë vendet e BE-së, por si të përbijë Asociacionin që e ka kundërshtuar me vite. Sot jemi në një situatë ku të gjithë shtetet e QUINT-it dhe amerikanët i kërkojnë që fillimisht kryeje Asociacionin tani marrëveshjen finale.”, ka thënë Çollaku./Gazeta10