Pas përfundimit të takimit Kurti- Vuçiq është deklaruar edhe Përfaqësuesi i Lartë i Bashkimit Evropian, Josep Borrell i cili ka thënë se kryeministri i Kosovës, Albin Kurti, insistoi që të formalizohet njohja de-facto nga Serbia.

Ai tutja tha që presidenti serb Aleksandar Vuçiq pranoi kompromisin e paraqitur nga BE-ja. Por në fund s’pati dakordim.

Borrell tutje shtoj se palëve u ka ofruar një propozim që njëra prej tyre të fillojë të zbatojë një pikë të marrëveshjes ndërsa tjetra ta pasojë. “Një proces që do të lejojë që të shkohet paralelisht. Kjo është kompromisi më i mirë që mund të ofrojmë. Ti duhet të bësh diçka për të marrë diçka”, tha Borrell.