Deputetja nga radhët e PDK-së Blerta Deliu-Kodra, ka postuar një shkrim në Facebook, ku ka kritikuar punën e Presidentes Vjosa Osmani.

Ajo ka thënë se një president e cila e ka redaktuar rolin e saj në notere të Kryeministrit nuk mund të flas për vullnet qytetar dhe për mbrojtje të interest të qytetarëve të Republikës së Kosovës.

Tutje Deliu-Kodra ka thënë se dy vite të Vjosa Osmanit në Presidencë simbolizohen me servilitet ndaj Albin Kurtit dhe asnjë rezultat të vetëm konkret në kompetencat e saj kushtetuese.

Sipas saj, presidentja mbetet e njohur për sulmet ndaj oponentëve politik të cilët sot nuk kanë mundësi të kundërpërgjigjen, sepse padrejtësisht gjykohen për luftën e UÇK-së.