Deputeti i Lëvizjes Vetëvendosje, Artan Abrashi, ka thënë se KFOR-i duhet ta përmbush misionin e tij ose Policia e Kosoës do t’i heq barrikadat në veri, raporton Gazeta10.

Abrashi ka thënë se KFOR-i ka kërkuar pak kohë por sot u bënë 14 ditë.

Më tej, ai ka thënë se është e papranueshme që të negociohet me banda kriminale për heqjen e barrikadave.

Ai ka thënë se Policia e Kosovës ka gadishmëri dhe kapacitetet për heqjen e tyre.

Këtu keni postimin e plotë:

“KFOR-i kërkoi pak kohë për heqje barrikadash, ndërkaq sot kur u bënë 14 ditë thotë të zgjidhet kjo çështje me dialog. Si ndodhi kjo që nga pak kohë për heqje të barrikadave të kalojmë te negociimi me krimin dhe bandat kriminale e të armatosura.

Kjo është vërtetë e papranueshme. KFOR-i të përmbush misionin e tij ose barrikadat i heq Policia e Kosovës ashtu siç ka shprehur gatishmërinë dhe ka kapacitetin. Rendi dhe ligji nuk mund të dialogojnë me bandat kriminale”, ka shkruar Abrashi në llogarinë e tij në Facebook.

Kujtojmë se në veriun e Kosovës vazhdojnë të jenë të bllokuara disa rrugë meqë serbët atje kanë vendosur barrikada.

Institucionet e Kosovës dhe ato ndërkombëtare kanë kërkuar heqjen e tyre si dhe uljen e tensioneve. / Gazeta10