Kryetari i Lidhjes Demokratike të Kosovës, Lumir Abdixhiku, ka njoftuar se kjo parti më 1 qershor do të hyjë në zgjedhje të brendshme.
Abdixhiku tha se të premten do të mblidhet këshilli i përgjithshëm për t’u përgatitur për këto zgjedhje.
“Sot kryesia e LDK ka marrë vendim të shpallë zgjedhje të brendshme. Për ne ky proces është festë sepse gjithmonë LDK-ja ka besuar në demokraci. S’ka mospajtime në mes partisë. Partia është më e bashkuar se kurrë. Të gjithë janë të interesuar të kemi një proces të hapur dhe të përfshirje të të rinjve dhe grave, si dhe një nga pozitat e nënkryetarit të jetë grua”, ka thënë Abdixhiku në konferencën e sotme për media.
Ai po ashtu shtoi se kanë marrë vendim të hapin katër degë në komunat veriore të Kosovës, si dhe të kenë organizim territorial të degëve në mërgatë.
Abdixhiku ka ftuar çdo anëtar të marrë pjesë në këto zgjedhje.
“Ftoj secilin pjesëmarrës që ka ambicie, plan ide të qarta, që ta shtroj platformën në anëtarësi, dhe vendos tani anëtarësia”, tha ai.