Njohësi i çështjeve të emergjencave, Tahir Ahmeti, ka deklaruar se sipas organizatës së pavarur shkencore dhe ofruese të informacioneve për tërmetet, EMSC, para pak minutave, ka ndodhur një tërmet me shkallë 5.6 në Rumani dhe lëkundjet janë ndierë edhe në Kosovë.

Për të shmangur informacionet e pavërteta, drejtori ekzekutiv i Qendrës Kërkimore për Politika të Sigurisë (SPRC), Tahir Ahmeti, ka ftuar qytetarët të ndjekin informatat zyrtare nga Instituti Sizmologjik i Kosovës.

“Sipas organizatës së pavarur shkencore dhe ofruese të informacioneve për tërmetet, EMSC, para pak minutave, ka ndodhur një tërmet me shkallë 5.6 në Rumani dhe lëkundjet janë ndjerë edhe në Kosovë. Qytetarët e Kosovës duhet ndjekur informatat zyrtare të lëshuara nga Instituti Sizmologjik i Kosovës, duke shmangur informatat e pavërteta dhe panikun për rrezikun e mundshëm.”, ka shkruar Ahmeti në Facebook.

Ndryshe, disa minuta më parë janë ndierë dridhje toke në Kosovë./Gazeta10