Siç bëhet e ditur nga gazetari Fabrizio Romano, Mateo Kovacic pritet që t’i bashkohet Manchester Cityt nga Chelsea.

Akordi mes Cityt dhe Chelseat është arritur për një shumë prej 35 milionë eurosh, ku 29 milionë euro janë të pastra, ndërsa gjashtë milionë të tjera në formë të bonuseve.

Kushtet personale janë arritur para dy javësh për një marrëveshje afatgjate, pasi që Kovacic e dëshironte kalimin vetëm te City.

Testet mjekësore do të përfundohen gjatë ditëve në vazhdim, dhe më pas marrëveshja do të nënshkruhet dhe të bëhet zyrtare.