Në njërën nga hyrjet e shtëpisë së shëndetit në Bujanoc, gjegjësisht tek dispanseri i fëmijëve, është shfaqur një pankartë me mbishkrimin: “ Vdekje shqiptarëve, nuk ju duam, Kosova është Serbi”, raporton mediumi lokal nga Bujanoci “FolOnline”.

Letra ishte vendosur në xhamin e derës hyrëse dhe mbahej me ngjitës, përmbajtja është shkruar në gjuhën serbe dhe me shkrimin cirilik mësohet se drejtuesit e shtëpisë së shëndetit lidhur me rastin kanë njoftuar Policinë, e cila ka dal në vendin e ngjarjes.

Kjo është hera e dytë që brenda pak ditëve në shtëpinë e shëndetit shfaqen përmbajtje kundër shqiptarëve.

Javën e kaluar në oborrin e këtij institucioni shëndetësor ishte shkruar një grafit “vdekje shqiptarëve”.

Autoritetet akoma nuk kanë zbuluar autorët e këtyre veprave nxitëse.

Ndaj kësaj ka reaguar edhe deputeti shqiptar në parlamentin e Serbisë, Shaip Kamberi.

Ai ka deklaruar se mesazhet kërcënuese për shqiptarët në Bujanoc janë shndërruar në përditshmëri.

Postimi i plotë: