Vetëm dy ditë para takimit të përbashkët ndërmjet dy liderëve të shtetit, Albin Kurti e Aleksandar Vuçiq, Kanal10 përmes emisionit special Politiko ka zbuluar pamje dhe informacione ekskluzive nga Ohri.

Gazetari i Kanal10, Kushtrim Sadiku ka treguar se hoteli ku pritet të vendosën delegacionet ndodhet pikërisht në afërsi të rezistencës presidenciale të Presidentit të Maqedonisë së Veriut.

Lokacioni i takimit ndodhet edhe në afërsi të Shën Naumit dhe është vendi ku mbreti Zogu kishte nënshkruar një marrëveshje të rëndësishme.

Sadiku ka treguar se sipas informacioneve të siguruara nga policia maqedonase, ajo pjesë e lokacionit prite të jetë tërsishtë e bllokuar dhe s’do të lejohen as media për të raportuar nga afër.

“Pjesa e hotelerisë dhe vendit ku do të zhvillohet takimi i Kurtit me Vuciqin është në afërsi të rezidencës presidenciale të Presidentit të Maqedonisë së Veriut. Këtu do të jetë gjithcka e bllokuar nesër e pasnesër, ne kemi kontaktuar edhe autoritetet policore. Nuk do të mund të futen palët e interesuara, apo spektri mediak për të raportuar nga afër. Do të ketë një konferencë për media. Ajo cfarë dimë është se në këtë vend, në këtë zonë janë zhvilluar negociatat për marrëveshjen e Prespës, marrëvshjes ndërmjet autoriteteve të Maqedonisë së Veriut dhe atyre të Greqisë për kontekst të emrit të ri. Marrëveshje të firmos s’do të ketë. Mund të ketë pajtim të të dyja palëve në prani të Borell, Escobar dhe Lajcak. Më pastaj trasim të rrugës për formalizim apo nënshkrim në Paris, nëse është e mundshme një gjë e tillë, në prani të liderëve ndërkombëtarë, Scholz dhe Macron.”, ka treguar gazetari Sadiku në Politiko Speciale./Gazëeta10