Eksperti amerikan David Phillips e ka cilësuar proces qesharak dialogun në mes të Kosovës dhe Serbisë.
Phillips ka thënë se qëllimet e këtij procesi nuk janë përcaktuar asnjëherë, duke heshur dyshime mbi rezultatet që priten në fund të tij, transmeton Gazeta10.
“Ky proces është qesharak. Që në fillim nuk janë përcaktuar se cilat janë qëllimet e dialogut. Qëllim i qartë duhet të jetë njohja reciproke dhe sovraniteti për Kosovën dhe Serbinë. Nëse Serbia nuk është e përgatitur ta pranojë këtë, është humbje kohe të gërmojmë skajet e marrëveshjeve të vogla”, ka deklaruar Phillips për Zërin e Amerikës.
Më 18 gusht do të mbahet takimi i radhës në mes të Kryeministrit të Republikës së Kosovës, Albin Kurti dhe Presidentit të Serbisë, Aleksandar Vuçiq. Takimi do të zhvillohet në kuadër të dialogut të ndërmjetësuar nga blloku evropian./Gazeta10