Ermal Krasniqi është gjobitur nga klubi i Rapidit të Bukureshtit.

Kjo ka ardhur pas veprimit të yllit kosovar ndaj trajnerit, Bogdan Lobont.

Krasniqi e injoroi trajnerin pas zëvendësimit dhe shkoi u ul direkt në stol.

Njëri prej aksionarëve të Rapidit, Victor Angelescu ka konfirmuar gjobën ndaj 25-vjeçarit, por pa dhënë më shumë informata.

“Kemi marrë masë disiplinore. Nuk ishte në rregull. Reagimi i Salahut me Kloppin ishte dhjetë herë më i keq. Mund ta konfirmoj se ai nuk është lojtar problematik. Ai nuk na shkaktoi asnjë problem në dhomën e zhveshjes. Është prej të parëve që paraqitet në stërvitje. Ishte reagim zhgënjimi. Ai mori një gjobë të vogël sipas rregullores disiplinore”, ka thënë Angelescu, shkruan “Digi Sport”.