Këngëtarja e njohur shqiptare, Filloreta Raçi që shtatë vite jeton në Shqipëri, raporton Gazeta10.

Por edhe pse këngëtarja ka lindur dhe është rritur në Kosovë, ajo e ka gjetur veten për zhanrin e saj në shtetin fqinjë.

Pas disa viteve të kaluara në Shqipëri ajo ka një kërkesë për krerët e shtetit.

Në shkrimin e publikuar në rrjetin social Instagram artistja ka kërkuar që të pajiset me pasaportë shqiptare.

Kjo kërkesë i’u është drejtuar presidentit Bajram Begaj, kryeministrit Edi Rama, kryetarit të Tiranës Erion Veliaj dhe Ministres së Kulturës, Elva Margariti.

“Si një vajzë shqiptare nga Kosova që veproj e jetoj tash e shtatë vite në Shqipëri dhe dua fort të pajisjem me pasaportën shqiptare me shqiponjë… A mund të ndodhi që të bëhem nënshtetase shqiptare ndonjëherë?”, ka pyetur artistja shqiptare.

Si këngëtare, Fifi ia ka arritur që ta marrë disa herë vëmendjen e krerëve të shtetit.

Në fillim të këtij viti, kryeministri Rama kishte publikuar disa pamje të Valbonës duke promovuar turizmin dimëror në veri, nën tingujt e këngës “Diell”. / Gazeta10