Gjilani e Prishtina do të përballen sot në kuadër të finales së madhe të Kupës së Kosovës.

Ndeshja që fillon në ora 18:00, do të zhvillohet në stadiumin “Fadil Vokrri”.

Gjilani që tashmë ka siguruar vendin në Evropë nga vendi i tretë i Superligës së Kosovës, do të synojë të fitojë kupën.

Në anën tjetër, Prishtina që ende nuk është licencuar nga FFK-ja, po ashtu synon fitimin e kupës dhe më pas të synojë licencimin nga shtëpia e futbollit kosovar për daljen në Evropë.

Formacionet zyrtare:

Gjilani: Koliçi, Jashari, Zeka, Ramadani, Cale, Dabiqaj, Sinani, Islami, Musolli, Zabergja, Hoxha.

Prishtina: Kolaj, Mici, Belica, Bytyqi, Useini, Pefqeli, Gashi, Hyseni, Kryeziu, Krasniqi, Blesa.