Blerim Gashi e ka quajtur të panevojshëm zbatimin e marrëveshjes së Asociacioni të komunave me shumicë serbe në Kosovë, shkruan Gazeta10.

Kjo pasi sipas Gashit, del të jetë i panevojshëm edhe në kontekstin teknik sipas Ligjeve për qeverisje lokale të Kosovës.

“Masi Asociacioni është në pakon e Ahtisarit edhe e kemi pranuar pavarësinë si të tillë, ajo e parasheh një gjë të tillë. Por, ne edhe në organizimin tonë në qeverisjen lokale, as ky Asociacioni si OJQ, e as ai në pakon e Ahtisarit, nëse e kqyrim sipas qeversijes lokale, atëhere del i panevojshëm në kontekstin teknik. Sepse me Ligjet tona dhe me Ligjet për qeverisje lokale, komunat edhe ashtu i kanë 16 kompetenca të mëdhaja vetanake dhe 12 kompetenca të deleguara nga shteti”, tha Gashi në Politiko me Kushtrim Sadikun.