Gazetari serb, Branislav Kërstiq në emisionin “Politiko” me Kushtrim Sadikun ka thënë se Serbia duhet të kërkojë falje për krimet që i ka bërë në Kosovë.

Gjithashtu ai ka thënë se duhet të kontrollohen edhe njësitë paramilitare që kanë ardh na Serbia, raporton Gazeta10.

“Kur flasim për kërkimin e faljes ajo është ma korrekt nëse dikush nga Beogradi zyrtar njëherë të kërkojë falje për viktimat në Kosovë, sepse ushtria në atë kohë e Jugosllavisë së Serbisë sa i ka luftu njësitë paramilitare të UÇK-së, kemi obligim me i kontrollu edhe njësitë paramilitare që kanë ardh nga Serbia, Mali i zi dhe nga dikund tjetër”, tha ai.

Ndërsa sa i përket Rezulutës së Srebrenicës ai tha se Serbia duhet ta pranojë që ka bërë krime ne Srebrenicë dhe gjithashtu të kërkojë edhe falje./Gazeta10