Ministrja e Punëve të Jashtme dhe Diasporës, Donika Gervalla, ka reaguar lidhur me rrëmbimin e tre policëve të Kosovës nga regjimi i Vuçiqit brenda territorit të Kosovës, duke thënë se kjo është përsëritje e praktikës kriminale të mjeshtrit të Vuçiqit, Millosheviqit.

Ajo e ka kujtuar rastin kur Millosheviqi e urdhëroi kidnapimin e zyrtarëve të OKB-së dhe të tjerëve të huaj gjatë luftës në Bosnje, për të shantazhuar Perëndimin.

“Rrëmbimi i tre personave nga regjimi i Vuçiqit Policia e Kosovës, oficerët nga thellësia e territorit është përsëritja e praktikës kriminale të zotit të Vuçiqit, Millosheviç, i cili urdhëroi kidnapimin e OKB-së dhe oficerëve të tjerë të huaj gjatë luftës në Bosnje për të shantazhuar Perëndimin. Kjo është e paimagjinueshme pa pranimin e vazhdueshëm të dhunës së Vuçiqit nga aktorë të rëndësishëm ndërkombëtarë. Ky akt i agresionit ndërkombëtar është një provë e qartë e Perëndimit. Vuçiqi padyshim do të përshkallëzohet më tej në të gjithë rajonin nëse nuk ka një ndalesë të qartë nga NATO”, shkroi Gërvalla.

Gërvalla i ka bërë thirrje Serbisë që t’i lirojë menjëherë policët e rrëmbyer./Gazeta10