Një ngjarje e rëndë ka tronditur fshatin Demiraj të Gjilanit, ku mëngjesin e sotëm janë gjetur të vdekur një 27-vjeçar dhe foshnja e tij rreth tre muajshe (babai dhe vajza).

Lajmi për rastin e rëndë u raportua u konfirmua edhe nga Policia e Kosovës.

Sipas Policisë, informacioni për dy trupa të pajetë në një shtëpi në Demiraj është pranuar rreth orës 08:47.

Viktimat janë një person i gjinisë mashkullore, i lindur në vitin 1999, dhe një foshnjë.

Në vendin e ngjarjes kanë dalë njësitet policore, Prokurori i Shtetit dhe ekipi emergjent mjekësor, ku është konstatuar se të dy personat ishin pa shenja jete.

Arrestohet babai i 27-vjeçarit

Pas hetimeve fillestare, Policia ka bërë të ditur se dyshohet që ngjarja ka ndodhur brenda familjes.

Në cilësinë e të dyshuarit është arrestuar babai i 27-vjeçarit, i cili me vendim të prokurorit është ndaluar për 48 orë.

Rasti është cilësuar si “Vrasje e rëndë”.

Ndërkohë, sipas burimeve të mediave lokale, dyshohet se 27-vjeçari fillimisht ka mbytur foshnjën e tij.

Gjithnjë, sipas burimeve, më pas babai i 27-vjeçarit ka ndërhyrë në përpjekje për ta mbrojtur foshnjën, ndërsa gjatë përplasjes dyshohet se e ka mbytur të birin me litar.

Megjithatë, ende nuk ka një version zyrtar nga Policia e Kosovës.

Policia ka njoftuar se në vendin e ngjarjes kanë dalë njësitet përkatëse policore, Prokurori i Shtetit dhe ekipi emergjent mjekësor, ku mjeku kujdestar ka konstatuar vdekjen e të dy personave.

Me vendim të Prokurorit të Shtetit, trupat e pajetë janë dërguar në Institutin e Mjekësisë Ligjore në Prishtinë për obduksion.

Rasti është cilësuar si “Vrasje e rëndë”, ndërsa Policia dhe Prokuroria janë duke ndërmarrë veprimet e nevojshme hetimore për zbardhjen e plotë të rrethanave të kësaj ngjarjeje.