Ish-emisari i ShBA-së për Ballkanin Perëndimor, Richard Grenell, ka njoftuar se ka drekuar me kryeministrin e Shqipërisë, Edi Rama, me të cilin janë dakorduar që të punojnë më shumë për çlirimin e ish-presidentit Hashim Thaçi.
Grenell ka shkruar se akuzat ndaj Thaçit janë të rreme dhe të manipuluara, shkruan Gazeta10.
“Kam drekuar me kryeministrin e Shqipërisë, Edi Rama, një nga aleatët tanë më të mëdhenj në NATO dhe ne ramë dakord që duhet bërë më shumë për të çliruar sa më shpejt Hashim Thaçin nga burgu në Hagë. Akuzat kundër tij janë të rreme dhe dëshmitarët thonë se ato janë manipuluar nga Jack Smith”, shkroi ai.
Në Hagë, ish-presidenti i Kosovës po mbahet si akuzuar për krime lufte, bashkë me tre ish-krerët e tjerë të UÇK-së, Kadri Veseli, Rexhep Selimi dhe Jakup Krasniqi./Gazeta10