Shefi i OKB-së Antonio Guterres do të takohet sot me krerët e Ukrainës dhe Turqisë në Lviv, pas një marrëveshjeje të arritur muajin e kaluar që lejoi rifillimin e eksporteve të grurit pasi pushtimi i Rusisë bllokoi furnizimet thelbësore globale, shkruan France24, transmeton Gazeta10.

Takimi vjen gjithashtu një ditë pasi kreu i NATO-s tha se ishte “urgjente” që mbikëqyrësi bërthamor i OKB-së të lejohej të inspektonte centralin bërthamor të Zaporizhzhia të Ukrainës, ku ka shkaktuar shqetësime për një shpërthim të bërthamor.

Një zëdhënës i Guterres tha se shefi i OKB-së, presidenti ukrainas Volodymyr Zelensky dhe homologu turk Rexhep Tajip Erdogan do të diskutojnë marrëveshjen e grurit, si dhe “nevojën për një zgjidhje politike të këtij konflikti”.

Ai shtoi se “nuk kishte dyshim se çështja e termocentralit bërthamor” do të bisedohej.

Në fjalimin e tij të mërkurën, Zelensky tha se Guterres kishte mbërritur dhe se të dy do të “punonin për të marrë rezultatet e nevojshme për Ukrainën”.

Guterres ka planifikuar të udhëtojë të premten në Odessa, një nga tre portet e përfshirë në marrëveshjen e eksporteve të grurit, e arritur në korrik nën kujdesin e OKB-së me ndërmjetësimin e Ankarasë. Më pas ai do të shkojë në Turqi për të vizituar Qendrën e Përbashkët të Koordinimit, organi i ngarkuar me mbikëqyrjen e marrëveshjes, shkruan France24./Gazeta10.