Sonte në emisionin “Politiko me Kushtrim Sadiku”, është duke u diskutuar ballafaqimi i Kryeministrit të Republikës së Kosovës, Albin Kurti me Presidentin e Serbisë, Aleksandar Vuçiq. 

Komentatorja politike, Fatime Hajdari, ka thënë se nuk beson që në takimin e 18 gushtit mes Kryeministrit të Kosovës, Albin Kurti, e Presidentit të Serbisë, Aleksandar Vuçiq, do të diskutohet reciprociteti, transmeton Gazeta10. 

“Nuk e besoj që do të diskutohet. E kemi edhe një zotim të z.Kurti, i cili ka thënë që nuk do ta diskutojë reciprocitetitin atje. Megjithatë, pajtohem se kemi një momentum të ri sa i përket dialogut me Serbinë. Kjo vjen për arsye të presionit të madh nga të gjitha anët jo vetëm për palën e Kosovës, por edhe për palën e Serbisë”, ka thënë Hajdari. 

Më tej, ajo ka thënë se është bërë më se e qartë se tanimë duhet të shkohet drejt një marrëveshjeje finale mes Kosovës dhe Serbisë. 

“Perëndimi ka ardhë në një moment që nuk mundet me toleru një situatë të tillë…mendoj që ekziston një koordinim i mirë i Kryeministrit të Kosovës me faktorin ndërkombëtarë…mendoj që gradualisht jemi duke shkruar drejt fundit”, ka thënë ajo./Gazeta10