Pas Munihut, Kandidati i Partisë Demokratike të Kosovës për kryeministër, Bedri Hamza, është pritur sot nga bashkatdhetarët në Shtutgart të Gjermanisë.

Hamza ka thënë se diaspora i ka shndërruar rrugët e mërgimit në rrugë të zhvillimit për Kosovës. Prandaj, ai është zotuar se në qeverisjen e tij do të forcohen edhe më tepër këto raporte.

“Diaspora jonë i ka shndërruar rrugët e mërgimit në rrugë të zhvillimit për Kosovën. Ne do ta forcojmë dhe institucionalizojmë lidhjen e shtetit me diasporën”, ka shkruar Hamza

Megjithatë, ky nuk ishte premtimi i vetëm i Bedri Hamzës në Shtutgart.

“Kuvendi do të ketë deputetë që vijnë nga diaspora jonë”, ka thënë Hamza.

Kandidati i Partisë Demokratike të Kosovës për kryeministër, Bedri Hamza, në kuadër të takimeve të tij me mërgimtarë gjatë muajit nëntor, pas Gjermanisë do të vizitojë edhe Zvicrën dhe Austrinë.